Амамот на Туз Пазар
Локацијата на овој амам се наоѓала југоисточно од Иса-беговата џамија, во подножјето на возвишението на кое се изградени Султан Муратовата џамија и Саат-кулата. Тој бил познат и како Невестински амам, како Амамот во Лонџа, а постарите скопјани го нарекувале и Амамот на Туз-пазар (пазар на сол). Во пишание извори се сретнува и како Амамот на Ибрахим Чауш.
Не се знае кога точно бил изграден амамот. Меѓутоа, начинот на градењето како и декоративните елементи што подолго се зачувале на одделени места, го вбројуваат во редот на постарите амами изградени кај нас. Не е познато кога точно страдал овој амам и кои биле причините за неговото пропаѓање. Меѓутоа, тоа може да се претпостави познаваќи ја историјата на овој град и природните катастрофи што се случувале.