Гранд Хотел Америка

Лоциран во непосредна близина на Сали Мостот, бил хотел со поголема кафеана, со сцена за оркестар и соби за ноќевање.  Објектот  бил изграден во почетокот на XX век и порано го користела Егзархијата како Конституционен клуб и театар.
Едно од најпознатите драмски дела што настанале на овие простори, за прв пат во османлиска Македонија, било изведено во 1909 година. Турнејата на театарската трупа „Скрб и утеха“ започнала во Солун, продолжила во Битола, а завршила во Скопје. Поради стравот од властите претставата била изведена парцијално, под името „Жетва“.  Во Битола претставата била изведена во објектот на хотел Гранд Америка. Со тоа, во суштина, Битола е прв град во кој била изведена оваа претстава на територијата на современа Македонија. Објектот постои до ден денес, но е оставен на забот на времето.